Around GMA

Article Inside Page

Ibinahagi ni Sparkle actor Derrick Monasterio ang ilang detalye tungkol sa kanyang karakter na si Red Ramos sa pinakabagong Kapuso drama series na Return To Paradise.

PHOTO COURTESY: GMA Drama (FB)

Sa recent episode ng GMA morning TV show na Unang Hirit, sinabi ng hunk actor na hindi lamang one-sided ang kanyang role bilang si Red.

Aniya, “Ako si Red 'yung role ko rito. It's different kasi… well s'yempre bago 'yung mga katrabaho ko and bago 'yung partner ko rito. Maraming layers kasi 'yung character ni Red so feeling ko 'yun 'yung nagpapa-different sa kanya. Hindi lang siya very one-sided na character.”

PHOTO COURTESY: GMA Public Affairs (YT)

Tinanong naman ni Kapuso TV host Suzi Abrera kung ano ang naging paghahanda nina Derrick at Elle Villanueva para sa kanilang first taping day.

Masasaksihan sa Return To Paradise ang unang pagtatambal ng dalawang Sparkle artists.

Kuwento ni Elle, “Before kami mag-taping, nag-workshop naman kami. Actually first time namin mag-meet no'n in person talaga.”

“After no'n, 'yung first exercise namin mga physical touch na agad, parang sobrang jump agad kami sa workshop,” dagdag naman ni Derrick.

Sa Return To Paradise, binibigyang buhay ni Derrick ang role ni Red Ramos, ang school jock at campus heartthrob, habang gumaganap naman si Elle bilang Eden Santa Maria, ang sporty raketera na pinatapang ng mga pinagdaanan sa buhay.

Subaybayan ang Return To Paradise tuwing Lunes hanggang Biyernes, 3:25 p.m., sa GMA Afternoon Prime.

SAMANTALA, SILIPIN ANG RETURN TO PARADISE PICTORIAL SA GALLERY NA ITO.